يا وسع قلبك يا حبيبي

يستغفلـك هـذا المغـفـل وبـرضـاك
تنسى عبيـر الـورد وتغـازل الشـوك
تتجاهل القصة وتضحـك مـن أقصـاك
مملـوك مملـوكٍ حكمـلـه بممـلـوك
يـا وسـع صـدرك يانزاهـة نوايـاك
بك فطرة الطيب وبك حـدس صعلـوك
غنّيت حزنك ليـن مـا الحـزن غنّـاك
وكان الشعـر جـوّك تجيبـه لياجـوك
ترمـي حمامـة كـل مـا طـل شبـاك
من شرفةٍ في عين بنـتٍ مـن تبـوك
تحكيلهـم شـي تشـوفـه بــالإدراك
عن ضحكةٍ صفرا على شفـاه مـدروك
عن ناس ماهم..؟ عن بلادك وعن ماك "
عن حبك لنـاس وعـن نـاس حبّـوك
يا أخّ لي متى ملـك الطفولـه محيّـاك
إن أنبّـوا تزعـل وتفـرح إن حيّـوك
نهر الجنون اللي تشكّـل بـك أظمـاك
لامن جريت بـوادي الصـدق شربـوك
خلّـك رجـل عاقـل وفاطـن لدنيـاك
كـم علمّـوا بـك غاليينـك ومـلـوك
زهّقتنـي ..عجـزت أعـدد سـوايـاك
سعيد سولـف لـك وضحّكـت مبـروك
شكـواك ترسلهـا وعـذرك وبلـواك "
وليا وصلـت بصالـي النـار صلّـوك
يا عرض صدرك يـا سذاجـة نوايـاك
بك ظلمة المبصـر وشاعـر وصعلـوك